ВИНЕР ЛАЈФ ОСТВАРИ ДОПОЛНИТЕЛНА ДОБИВКА ЗА СВОИТЕ КЛИЕНТИ ВО 2015 ГОДИНА
Како резултат на успешното работење во 2015 година, Управниот одбор на компанијата за животно осигурување Винер Лајф донесе одлука на своите клиенти да им препише добивка во вкупна вредност од 1.078.231 денари, што преставува во просек 1% од износот на инвестираните средства на секој клиент.
Благодарение на успешните инвестициските вложувања изминатата година направени во средства со поголема просечна каматна стапка од онаа која се користи во калкулацијата на производите, Винер Лајф успеа да оствари добивка која ќе им биде исплатена на сите клиенти кои што имаат активна полиса за животно осигурување од три или повеќе години, односно што склучиле договор за животно осигурување во 2011 и 2012 година и ги платиле сите доспеани премии со што се стекнале со право на учество во добивката. Парите од очекуваната добивка ќе бидат евидентирани на сметките на клиентите и заедно со останатите акумулирани добивки во текот на годините на траење на осигурувањето ќе им бидат исплатени по истекот на осигурувањето.
Иако компаниите за осигурување на живот не се обврзани да пресметуваат и препишуваат учество во добивката, Винер Лајф ја продолжува традицијата секоја година на своите клиенти да им обезбеди учество во добивката.
ЗА ВИНЕР ЛАЈФ и VIG
ВИНЕР ЛАЈФ Осигурување е осигурителна компанија која е дел од австриската групација VIG, една од најголемите осигурителни групации во Централна и Источна Европа, составена од над 50 компании во 25 земји, со 25 илјади вработени, повеќе од 20 милиони задоволни клиенти и традиција преку 190 години во осигурителниот бизнис. Групацијата е рангирана со „А+“ според Standard & Poor’s, што е показател за безбедноста и сигурноста што ја имаат нејзините осигуреници.
Kако дел од оваа моќна осигурителна групација, Winner Life се придржува до строгите и прецизни австриски деловни принципи, нудејќи широк избор на осигурителни производи што овозможуваат секој клиент да добие животно осигурување што најмногу одговара на неговите потреби, нудејќи финансиска сигурност, додека конзервативното управување во согласност со законските одредби гарантира целосна безбедност на инвестираните средства.
Ул. 11 Октомври бр.25 КАТ/8, 1000 Скопје Република С. Македонија
Понеделник – Четврток 8.00-16.30
Петок 8.00-14.00
+389 2 3114 333
life@winnerlife.mk
Со квалитетните и конкурентни производи, Винер Лајф на своите клиенти им овозможува финансиска сигурност. Конзервативното управување во согласност со законските одредби гарантираат целосна безбедност на инвестираните средства.
КАРИЕРА
WINNER LIFE Осигурување секогаш има потреба од млади и амбициозни личности што сакаат да изградат успешна кариера.
ЧЛЕН НА ГРУПАЦИЈАТА
Copyright 2020, Winner life