Потоа искуствата се нижат едно по друго и продолжуваат во Ревизорска куќа Б и Љ, во Скопје како соработник во ревидирање на финансиски извештаи и спроведување на интерните политики и процедури. Следува работната позиција во Алфа Банка АД Скопје како стручен соработник во сектор за финансиско работење, а потоа раководител на служба за сметководство и контролирање, истата работна позиција ја има и во Еуростандард Банка АД Скопје. Од 2010 година својата кариера ја продолжува во Агенцијата за супервизија на осигурување како раководител на сектор за супервизија,  од каде што настапува во Винер Лајф – Виена Иншуренс Груп каде е назначен за член на Управниот Одбор.

Во 2012 година е избран за член на Советот за унапредување и развој на ревизијата, но поради превземањето на позицијата член на Управниот Одбор во Винер Лајф – Виена Иншуренс Груп ја напушта работата во Советот за унапредување и развој на ревизијата.

Во текот на 2015 година Дарко Дедиќ беше назначен за Претседател на Управниот одбор на Винер Лајф-Виена Иншуренс Груп, на која позиција се наоѓа и денес.